Gravensteên
Het Gravensteên of De steên is het ouwe gerechtsgebouw van Zurrikzeê. Tot 1923 was 't in gebruuk as 'uus van bewaering. De steên is een rieksmonument.
In 1358 wier begonnen mie de bouw van een gerechtsgebouw op de plek weer-a het noe stit. 165 jaer laeter was dat in verval geraekt en toe wier beslote een nieuw 'uus neer te zetten. De bouw duurde van 1524 toet an 1526. Het ontwerp kwam van de Antwerpse bouwmeêster Harman van Aecken.
Op de tweêde verdieping en de zolder wiere de misdaedigers opgesloten. D'r bin nog vee inscripties te ziejen, wivan de ouwsten uut 1577 dateert. 'Ier zatte bevobbeêld ok Duunkerker kaepers opgeslote. In 1784 was Jan Machielse van der Made de lesten die voo de steên wier opgehangen.