Fort Rammekens

Zicht op de reê van Fort Rammekens bie Vlissienge (1652)

Fort Rammekens is een fort bie Rittem. 't Fort was 'ebouw bie de monding vant ouwe kanaol van Welzinge, da toegang gaf toet de haevene van Middelburg, een paer kilometer ten oôs'en van Vlissienge aa de Onte. Vroeher hietende 't fort ok wè Zeêburg.

Het was belangriek in de Tachentigjaerige Oôrlog, tussen 1560 en 1575 wiert fort een antal keer veroverd. Op 8 feberwari 1574 wier 'ier de overdracht van de stad Middelburg ongertekend deu Cristóbal de Mondragón en Wullem van Oranje.

Van 1585 toet an 1616 wast Iengels bezit: koniengin Elizabeth kreegt toe saemen mee Den Briel, Vlissienge en Oôstende in ongerpand, in ruil voo vuufduzend soldaoten die de Nederlan'n kwamme 'elpen in de oôrlog tegen Spanje. In 1616 kwam het vromme bie Nederland. In 1787 kwam op de binnenplekke vant fort een hospitaol voo zieke bemanningsle'n van de schepen van de Verênigde Oêstindische Compagnie (VOC) die voo de kust laogen te wachten op gunstige wind. Fort Rammekens kwam nae de Franse tied, in 1814, wee in Nederlandse han'n. Het zeêfort wier in 1869 as vesting op'eheven mar bleef in gebruuk als kruutmagazijn.

Rond 1950-1960 wiere de schorren van 't Sloe in'epolderd; dat wier industriehebied. 't Fort krieg onheveer 12.000 bezoekers per jaer.

Fort Rammekens is een rieksmonument.

Externe verwieziengen

• Website van Fort Rammekens
• Staesbosbeheer - Fort Rammekens

• 
  Het fort op een kaerte van Nicolaes Visscher (1636)
• 
  Fort Rammekens op een kaerte van Blaeu (1649)
• 
  De poorte (1966)
• 
  Tehenwoordige staet (2007)
• 
  Reê van Rammekens in de 18e eêuw