Działoszyce

Uut Wikipedia
Naar navigatie springen Naar zoeken springen
Waepen van Działoszyce

Działoszyce

Land Poôl'n
Woiwodschap Święty Krzyż
Powiat Powiat Pińczowski
Gmina Gmina Działoszyce
Stadsrechen 1409
Oppervlak 1,92 km²
Inweuners
- Dichteid
981 (2006)
511/km²
Burhemeêster Zdzisław Józef Leks
Poscode 28-440
Identificaotienr. 26080
Netnummer (+48) 41
Website http://www.dzialoszyce.pl

Działoszyce is een stadje in 't Poôlse woiwodschap Święty Krzyż in 't zuden van Poôl'n. 't Stadje lig in de powiat Pińczowski. De totaolen oppervlakte besli 1,92 km² en in 2014 weun'n der 981 mensen. De stad lig 45 kilemeter ten noôrdoôssen van Krakau en 60 kilemeter ten zuden van Kielce, den oôdstad van 't woiwodschap Święty Krzyż.

Heschiedenisse[bewerk | brontekst bewerken]

De plekke Działoszyce onstoeng an een 'andelsroute die a liep vanuut Silezië ni Lviv in den Oekraïne. In 1220 wier langs dezen 'andelsroute 't eêste behun van Działoszyce esticht in de vurm van een steên'n kerke die a deur bisschop Iwo Odrowąż toehewied wier an de Heilihe Florian.

Op 23 auhustus 1409 kreeg Działoszyce stadsrechen, eschonken deur konieng Władysław II Jagiełło. In 1795, bie de Derde Poôlse Deêlieng, wier Działoszyce een deêl van Oôsteriek, in 1807, bie den oprichtieng van 't 'ertogdom Warschau, wier 't et ier deêl van, en in 1815 hoeng 't et deêl uut maeken van Conhres-Poôl'n.

In den Eêste Waereldoôrlog wier de stad deur verschill'nde partijen bezet, en de Oôsteriekers hebruken 't et as plekke voe der militaire transport'n. In de Twidde Waereldoôrlog wier de stad op 7 september 1939 bezet deur de Duutsers. Op 2 september 1942 ieuwen de Duutsers in Działoszyce een razzia en dwongen aolle Jood'n uut de stad en omhevieng op 't marktplein te verzaemeln. Deze wiern aolle ni concentraotiekamp'n hedipporteerd. Op 18 jannewari 1945 trok 't Roôie Leher de stad in, mè desondanks wier de stad een dag laeter nog deur de Duutsers ebombardeerd.