Auvergne

Uut Wikipedia
Hi nae: navigaotie, zoeken
Lihhienge von Auvergne in Frankriek.

Auvergne (Auvèrnha of Auvèrnhe in 't Occitaons) is 'n rehio in 't zudelijke centrum von Frankriek, in 't Centraol Massief. De inweuners wor'n Auvergnats en Auvergnates henoemd. De oôdstede is Clermont-Ferrand.

Geschiedenisse[bewerk | brontekst bewerken]

Auvergne dankt zien naem an 't Gallische volk de Arverni, wivon Vercingetorix de koôning waos t'n tiede von de Romeinse invaosie. In de Middeleêun werd Auvergne in vier feodaole hebied'n versniepperd:

  • 't graofschap Auvergne (de naem dateert uut ±980);
  • 't bisschoppelijk graofschap Clermont (uut dezelfde tied, tegenspeler);
  • 't graofschap Clermont, daterend von ±1155 — dit graofschap werd in 1302 formeel 't graofschap Dauphiné von Auvergne;
  • La Terre royale d'Auvergne ('t koôninklijk hebied von Auvergne) dat-a in 1360 werd opericht, in 't 'ertogdom Auvergne.

Deêze vier vormd'n tot an de Franse Revolutie de zelfstandige Franse provincie Auvergne. In 1790 werd deêze provincie in de vier departement'n verdeêld die 'r vandaeg de dag noh zin, 'oewè Haute-Loire en Allier òk deêl uutmaekt'n von de hrond'n von de historische provincies Bourbonnais, Lyonnais en Languedoc-Roussillon.