Asities
| Asities | ||||||||
|---|---|---|---|---|---|---|---|---|
| Taxonomische indeêlienge | ||||||||
| ||||||||
| Femielje | ||||||||
| Promeropidae (Sharpe, 1870) |
De asities (Philepittidae) zien een femielje uut de zangveugels (Passeriformes). Asities zien endemisch op Madahaskar.
Verwanschappn[bewerk | brontekst bewerken]
De femielje van de asities besti uut twi heslachen en slechs vier soôrten veugels, wivan a eêst wier edocht dan ze nauwe verwant zien mie de pitta's, mè uut onderzoek bliek dan ze vee nauwer verwant zien mie de breêdbekk'n en hapveugels (Eurylaimidae). De syrinxen van deze veugels heliekn naemelijk vee op mekaor. Soms wor ok de breêdbeksapayoa in de femielje van de asities eplekt.
Kenmerken[bewerk | brontekst bewerken]
Asities zien taemelijk kleine bosveugels die an fel hekleurd zien. 't Ventje en wuufje verschill'n in uterlijk, de ventjes èn elder hekleurde pluumpjes rond der oôhen. Deze plumen kriehen der kleure, die a in de broedtied elderder is, van collahene draeden, een meniere van pihmenteern die a uniek is in 't beêstenriek.
Asities èn een korte staert die a uut twaolf veern besti, en ze èn hevurkte tongen voe 't eetn van nectar. Ze ziengen vurral in de paertied deur middel van een luud zoemn.
Eetn[bewerk | brontekst bewerken]
Asities eetn vurral fruit. Ze eetn vee verschill'nde soôrten fruit, en ze zien dimie eên van de hroste verspreiers onder de veuhels van zaeden van fruitboômen. Zo zien ze belangriek voe de verspreidieng van zaeden op Madahaskar. De twi soôrten van 't heslacht Neodrepanis eetn ok nectar mie der lange snaevels en tonge, ok eetn aolle asities wè insect'n.
Taxonomie[bewerk | brontekst bewerken]
- Femielje: Philepittidae
- Heslacht: Neodrepanis
- Langsnaevelhoniengasitie (Neodrepanis coruscans)
- Kortsnaevelhoniengasitie (Neodrepanis hypoxantha)
- Heslacht: Philepitta
- Fluweêlasitie (Philepitta castanea)
- Schlegels asitie (Philepitta schlegeli)
- Heslacht: Neodrepanis