Anslaegen in Parijs van november 2015

Uut Wikipedia
De anslaegen maekende vee indruk in Europa.
De plekken van de verscheie anslaegen.

De Anslaegen in Parijs van november 2015 maekende vee indruk in Europa en kostende an 131 mensen het leven. Zeker acht islamitische extremis'n sloege toe op de aevend van vriedag 13 november 2015.

De meeste slachtoffers viele bie het theater Bataclan waara een concert pleas vong van de band Eagles of Death Metal. Ier kwamme 89 mensen om het leven. Drie terroris'n, onder wie de 'Fransman' Omar Ismail Mostefai, dronge tiejen het optrejen van de Amerikaense band de concertzaele binnen. Mie automatische vuurwaepes wier vanaf het balkon geschoten op de bezoekers. Verscheie keren 'erlaejde ulder d'r waepens en ongertussen riepe ze Allahoe akbar. Vadder wiere drie restaurants beschote waara tientallen slachtoffers viele.

Verscheie anslagpleger waere mie de stroôm migranten mee Europa binnen'ekomme. Desondanks bleef Angela Merkel bie d'r standpunt dat aolle migran'n welkom waere. Dit kwam 'ur op vee kritiek te staon. Nae de anslag bleef Europa nog ienkele weken in de ban van de terreurdreiging.

De daeders:

  • Ismaël Omar Mostefaï (29), Bataclan, ommekomme
  • Samy Amimour (28), Bataclan, ommekomme
  • Foued Mohamed-Aggad (23), Bataclan, ommekomme[1]
  • Bilal Hadfi (20), Stade de France, ommekomme[2]
  • Ahmed al Mohammad (25?)(valse naem), Stade de France, ommekomme
  • Salah Abdeslam (26), annehouwe in Brussel in 2016[3]
  • Brahim Abdeslam (31), Boulevard Voltaire, ommekomme[4]
  • Abbdulakbak B., ommekomme[5]

Zie ok[bewerk | brontekst bewerken]

Plaetjes[bewerk | brontekst bewerken]

Bronn'n[bewerk | brontekst bewerken]

  1. Derde schutter Bataclan geïdentificeerd dankzij sms aan moeder, Volkskrant, 9 december 2015
  2. Nog twee daders geïdentificeerd, Volkskrant, 16 november 2015
  3. Internationaal gezochte Abdeslam Salah werkte voor MIVB, Standaard.be, 15 november 2015
  4. Broer zelfmoordterrorist: "Onze familie is geschokt", RTL Nieuws, 16 november 2015
  5. Dit is wat we weten over de aanslagen, AD.nl, 16 november 2015 19:29