Abaiang

Uut Wikipedia
Naar navigatie springen Naar zoeken springen
Abaiang

Abaiang, ok wè Apaiang, 't vroehere Charlotte Island, Matthews of Six Isles, is eên van de koraolatolln van Kiribati, helehen naebie den evenaer in de Hroôte Oceaon. Den atolle mik deêl uut van de Gilberteilan'n. Tiedens een volkstellieng in 1998 teln ze 3.628 inweuners.

Heografie[bewerk | brontekst bewerken]

De Abaiang-atolle lig noôrdelijk in de Gilberteilan'n en tel 30 eilanjes, wivan a 't oôdeiland Abaiang, Ribono en Nuotaea beweund zien. Op de Abaiang-atolle lig eên verbindieng, naemelijk een tunnel tussen Abaiang en 't kleindere eilanje Teirio in 't zuudwessen van de atolle.

Abaiang ei een oppervlakte van 16 km2 en de dibie helehen lahune ei een oppervlak van 208 km2. Abaiang lig 7 kilemeter ten noôrdoôssen van den oôdstad van Kiribati, Tarawa.

Heschiedenisse[bewerk | brontekst bewerken]

Den ondekker van Abaiang was kapitein Thomas Gilbert in 1788, die a 't et Charlotte Island noemn. De eêssen Europeaon die a 't er kwam weunn was de missionaeris Hiram Bingham op 16 november 1857. Bingham hoeng in 't durp Koinawa weunn, wir a in oktober 1907 ok de Church of Our Lady of the Rosary ebouwd wier.

In 1939 wier ok 't Sint Joseph's College in Tabwiroa esticht deur Paul Chilton, een Iengelse mihrant. Deze schole is eên van de beste van Kiribati. Ok den udihe president, Anote Tong, ei op deze schole zen opleidieng henootn.

Hemak'n[bewerk | brontekst bewerken]

De hemak'n op Abaiang zien beperkt. Onder aore is der de schole van 't St. Joseph's College, eên van de beste van Kiribati. Vadder is der de Stephen Whitmee High School in Morikao en ok is der nog een klein pensionnetje, henaemd 'Ouba Island Fishing Lodge', wat a 12 persoôn'n kan herberhen.

Durpen op Abaiang[bewerk | brontekst bewerken]

De volhende plekken lihhen op Abaiang: