U2

Uut Wikipedia
Hi nae: navigaotie, zoeken

U2 is 'n Ierse rockband mee Bono (Paul David Hewson), zing'n en gitoar, d'n Edge (David Howell Evans) op d'n gitoar, d'n piano, d'n zang en soms oek d'n bas, Adam Clayton op bas en soms oek gitoar, en Larry Mullen jr op d'n drums. D’n bezetting is altiid al ’t zelfde gewist, en das ‘eel biezonder in de popgeschiedenis. Zelfs d’n manager, geluudsprutsters en zo vadder ziin bie U2 grotendeels ’t zelfde geblev’n.

D’n band is politiek actief veu d’n mensenrechten en steunt wrêêd vee goede doel’n, deu middel vàn benefietconcert’n en inzamelingsacties. ’t Benefietconcert Live Aid, op 13 juli 1985, was d'n echte doorbraok van d'n groep. In september 1997 speelde d'n band in 't kaoder van d'n Popmart-toer in Sarajevo. Dit et een bindend effect op de verschillende etnische bevolkingsgroep'n in Bosnië-Hercegovina gehad.

U2 is 'n collectief, voor alle producties en composities geldt: Credits U2.

Geschiedenis[bewerk | brontekst bewerken]

U2 begon in oktober 1976 op d'n Mount Temple School in Dublin mee d'n naom Feedback. Larry Mullen jr had een blaadje opgehang'n in d'n schoolkantine waarop je je kon aonmeld'n voor d'n band. Bono reageerde, waarbii 'ie zei dat 'ie kon gitaarspêêl'n en zing'n, wat 'ie allebii (zo as 'ie in een interview later zei) nii kon. Oek d'n Edge reageerde. Adam Clayton zou er - volgens een interview - biigevraogd ziin; "Hij zag er zo stoer uut, als hij bii d'n band zou kom'n, zoud'n wudder vast populair word'n". D'n toen gevormde band bestond nog uut vuuf lêêd'n; naost d'n uuteindelijke U2-bezetting was da Dik Evans (d'n broer vàn d'n Edge) op d'n gitaor. Begin 1978 veranderde de band udder naom in The Hype. In diene periode verliet Dik Evans d'n band. Vriiwè tegeliikertiid veranderd d'n band op advies van d'n Ierse zanger en reclameman Steve Rapid udder naom in U2 (d'n naom van 't in 1960 boven Rusland neergehaolde Amerikaonse spiekvliegtuug, mee aon boord Gary Powers).

U2 wier, even as biivoorbeeld d'n Schotse band Simple Minds, vee al tot d'n stroming new wave gerekend. De band ontwikkelde op d'n èrste albums, Boy (1980) en October (1981), even wè 'n eigen en duudeliik 'erkenbaore stijl. Vooràl in d'n beginjaor'n et 't christelijke gelôôf 'n sterke invloed op d'n songtekst'n van U2 gehad, wa mee naome te merk'n is aon nummers as "I will Follow", "Gloria" en "With a Shout (Jerusalem)". Nao 'n korte stilte rondom d'n band wier in 1983 't album War uutgebracht. Twee nummers van dit album wieren hits over d'n 'êêle wereld: New Year's Day en het krachtige Sunday Bloody Sunday, dat teruggriipt op 't bloedbad vàn zondag 30 januari 1972 (Bloody Sunday), waobii dertien dooi'n viel'n tuss'n demonstrant'n en 't Engelse leger in County Londonderry, Noord-Ierland.

Nao 't album The Unforgettable Fire (1984) wier D'n Joshua Tree (1987) uutgebracht, deu vêêl'n beschouwd as 't 'oogtepunt in 't oeuvre van U2. 't Album beriikte zo wè in Engeland als in d'n Verenigde Staten d'n èrste plaots in de hitliisten en er wieren wereldwiid meer dàn vuuf'ntwintig miljoen ex'mplaor'n van verkocht.

U2 'ield zich 'iernao bezig mee 't album Rattle en 'Um (1988) en d'n geliiknaomige documentaire over d'n band. Rattle en 'Um trekt nii de liin deu van de vorige albums, mao is 'n 'ommage aon Amerikaanse muziek. 't is 'n mengelmoes vàn cùvers en eig'n nummers, zowè in studio's as bii concert'n opgenôôm'n. Onder meer B.B. King werkte mee aon dit album.

D'n band was op da moment zo in de belangstelling dat de over-exposure biina 't ent betekende van U2. De bandlêêd'n trokk'n zich terug en sloeg'n, mede door een lang verblijf in Berliin, 'n nieuwe weg in. 't Resultaat vàn `t verbluuf in Berliin, 't album Achtung Baby (1991), was vee experimenteler dan de vorige albums. De band zocht 'n nieuwe stijl: De Zoo TV-tour en 't album Zooropa (1993) hadden as thema 'n parodie op d'n amusementsindustrie. Dit thema wier verder veugezet mee 't album Pop (1997) en d'n daorop volgende grôôts opgezette Popmart-tour.

De Elevation-tour, volgend op het album All That You Can't Leave Behind (2000), was vee kleinschaliger. Dit album was wè weer ouderwets succesvol. D'r ging'n biina twaolve miljoen ex'mplaor'n van over d'n toonbank. In Nederland scoorde U2 veu 't eerst 'n nummer êên hit. Sterker nog, ze scoord'n d'r twee (Beautiful Day en Elevation).

Nao Elevation wier 't stille rond d'n band. Bono besteedde ondertuss'n wè vee tiid aon ziin nieuwe organisatie DATA, die onder meer strêêft nao vermindering van d'n schuld'nlast in Afrika. Op 22 november 2004 verschêên 't volgende album van d'n band: How to Dismantle an Atomic Bomb. D'n eerste single hiervan, Vertigo, was vanaf 24 september 2004 op d'n Nederlandse radio te hoor'n en was beschikbaar in de Nederlandse winkel vanaf 8 november 2004. De tweede single "Sometimes you can't make it on your own" et Bono geschrêêv'n in de tiid da ziin vaoder Bob Hewson lei te sterven aon d'n gevolg'n van kanker. Dit nummer et Bono oek gezong'n tiidens d'n begrafenis vàn ziin vaoder. Van HTDAAB ziin tot op vandaog (mei 2005) wereldwiid 9 miljoen ex'mplaoren verkocht.

Op 14 maart 2005 is U2 opgenomen in d'n Rock and Roll Hall of Fame. In 2006 nam U2 saom'n mee Green Day 'n versie op van 't nummer "The Saints are Coming" van d'n Schotse punk groepe The Skids, van d'n laotere Big Country-veuman Stuart Adamson. D'n opbrengsten van deze single gaan naar de stichting Music Rising van The Edge voor de slachtoffers van d'n hurrukeen Katrina in New Orleans. En om 't goede voorbeeld te gêêv'n op 1 januari 2007 d'n single Window in the skies in d'n winkels. Biide singles ziin afkomstig van 't verzamelalbum U218. Dit is tevens 't leste album dat U2 uitbrengt op het Island-label. D'n band maokte in 2006 d'n overstap nao Mercury bekend.

Discografie[bewerk | brontekst bewerken]

U2 eit d'n volgende albums uutgebracht:

Toer'n[bewerk | brontekst bewerken]

  • U23, 1979 - februari 1980
  • 11 O'clock Tick Tock, mei - juli 1980
  • Boy, 1980 - 1981
  • October, 1981 - 1982
  • War, 1983
  • Under Australian Skies, 1984
  • The Unforgettable Fire, 1984 - 1986
  • The Joshua Tree, 1987
  • Love Town Tour, met B.B. King 1989 - 1990
  • ZooTV / Zooropa/ Zoomerang/ New Zooland, 1992 - 1993
Parodie op d'n moderne wereld van TV, rockmuziek, etc. Deels geïnspireerd door d'n live oorlog verslaog'n van d' Amerikaanse nieuwszender CNN tijdens d'n Golfoorlog.
  • Popmart, 1997 - 1998
D'n toer was een enorm spektakel, mee onder meer 'n vuuftig meter lang videoscherm.
Hoewè deze succesvol was, kwaom'n d'r oek vrij vee negatieve reacties:
vee mens'n vond'n dat U2 te verre was gegaon mee d'n "ironische" aonpak.
  • Elevation, 2001
Deze toer, êênvoudiger van opzet dan d'n vorige, wier wederom 'n wereldwiid succes;
Alleen d'n toer Voodoo Lounge van d'n Rolling Stones was succesvoller.
  • Vertigo, 2005
Begon op 28 maart 2005 in d'n Verenigde Staten.
Europese tour is begonnen op 10 juni in het Koning Boudewijnstadion in Brussel, België.

Awards[bewerk | brontekst bewerken]

Grammy Awards[bewerk | brontekst bewerken]

  • 1987 Album Of The Year [([The Joshua Tree (U2)|The Joshua Tree]])
  • 1987 Best Rock Performance By A Duo Or Group With Vocal (The Joshua Tree)
  • 1988 Best Rock Performance By A Duo Or Group With Vocal (Desire)
  • 1988 Best Performance Music Video (Where The Streets Have No Name)
  • 1992 Best Rock Performance By A Duo Or Group With Vocal (Achtung Baby)
  • 1993 Best Alternative Music Album (Zoopora)
  • 1994 Best Music Video, Long Form (Zoo TV - Live From Sydney)
  • 2000 Record Of The Year (Beautiful Day)
  • 2000 Song Of The Year (Beautiful Day)
  • 2000 Best Rock Performance By A Duo Or Group With Vocal (Beautiful Day)
  • 2001 Record Of The Year (Walk On)
  • 2001 Best Pop Performance By A Duo Or Group With Vocal (Stuck In A Moment You Can't Get Out Of)
  • 2001 Best Rock Performance By A Duo Or Group With Vocal (Elevation)
  • 2001 Best Rock Album (All That You Can't Leave Behind)
  • 2004 Best Rock Performance By A Duo Or Group With Vocal (Vertigo)
  • 2004 Best Rock Song (Vertigo)
  • 2004 Best Short Form Music Video (Vertigo)
  • 2005 Album Of The Year (How To Dismantle An Atomic Bomb)
  • 2005 Song Of The Year (Sometimes You Can't Make It On Your Own)
  • 2005 Best Rock Performance By A Duo Or Group With Vocal (Sometimes You Can't Make It On Your Own)
  • 2005 Best Rock Song (City Of Blinding Lights)
  • 2005 Best Rock Album (How To Dismantle An Atomic Bomb)

Brit Awards[bewerk | brontekst bewerken]

  • 1988 International Group
  • 1989 International Group
  • 1990 International Group
  • 1993 Most Successful Live Act
  • 1998 International Group
  • 2001 International Group
  • 2001 Outstanding Contribution

Trivia[bewerk | brontekst bewerken]

Externe link[bewerk | brontekst bewerken]

Quill and ink.svg
Dit artikel staet in 't Land-van-Aksels
Wikimedia Commons Kiek vò meêr plaetjes over dit onderwerp op de bladzie U2 van Wikimedia Commons.