Spiekenisse

Uut Wikipedia
Hi nae: navigaotie, zoeken
De ouwe durpskerk ist ouwste gebouw van Spiekenisse.
Het nieuwe centrum mit de meule. De brugge op de voorgrond is ebouwd deur Diekers en Piel (tegenwoôrdig Ooms Construction) uut Menheerse in 2011.

Spiekenisse is een plekke en een gemeênte op Voorne-Putt'n. Van oorsprong ist een klein durp, mar de leste jaeren ist flienk 'egroed en tegenwoordig telt het meer as 70.000 inweuners.

Spiekenisse is in de 19e eêuw nog een hortje een vissersdurp eweest, net as ut kortebie elege Pernis. Vooral op zalm wier evist. Saeme mit Hekelingen hao Spiekenisse een eige burgemeêster, mar ’t waere wel tweê aparte gemeênten. Pas in 1966 wier Hekelingen bie Spiekenisse evoegd. De diek weeran de meêste huuzen stonge wier de Voorstraete enoemd, en die bestoot nog steeds. Da’s wel apart om te ziejene dat in een stads centrum dat ’t noe is, van die durpse huusies stoô. De ouwe kerke stoot aok an een drukke wegt en past eigenlijk nie meer bie de omgevieng. Of de omgeving past nie meer bie de kerreke, dat kan aok. Een aor oud gebouw in Spiekenisse is de Meule van Spiekenisse. Nae den oorlog wier Spiekenisse an'eweze as groeikern. Toe ging 't harde. Massa's Rotterdammers ontvluchtte d'r eige wieken, weer steeds meer butelanders kwamme weune en toge naer de nieuwe wieken van Spiekenisse. De eênvurmige weunwieken verpaupere min of meer en veel mênsen verhuuze wee varder, bevobeeld nae Hellevoet. De leste jaeren probeert Spiekenisse wat meer in kwaoliteit te investeren deur hoagbouw en aore weuningbouw langs de Ouwe Maes. Ze hao noe wel net de economische crisis tegen.

Ondanks dat Goereê-Overflakkeê korte bie Spiekenisse leit mo de meêste Flakkeeënaers weinig van Hellevoet hao. D'r go aok weinig meênsen vant eiland op Hellevoet of Spiekenisse weune. Wel komme wienkele, vooral van de westkante van Flakkeê. Da goôt ten koste van Menheerse. Mar de cultuurverschillen tussen Spiekenisse en Flakkeê bluuve groôt.

Gemeênteraed[bewerk | brontekst bewerken]

De raed van Spiekenisse bestoôt uut 35 zetels. Hieronger stoôt de saemenstellieng van de raed sins 1998:

Gemeênteraedszetels
Partij 1998 2002 2006 2010
ONS 11 15 17 16
PvdA 7 5 9 5
VVD 8 4 3 5
CDA 3 3 2 2
ChristenUnie-SGP 1 1 1 1
Nederland Mobiel 2 2 - -
D66 2 1 - 1
GroenLinks 1 2 1 1
Spijkenisse Leeft - 2 - -
Lijst Pim Fortuyn - - 2 -
Trots op Nederland - - - 2
Lokale Politieke Federatie Spijkenisse - - - 1
SP - - - 1
Totaal 35 35 35 35

Topograofie[bewerk | brontekst bewerken]

Spijkenisse-topografie.jpg

Topograofisch kaertbeeld van Spiekenisse, 2010-2011. Klik op de kaert voor een vergrôoting.

Externe verwieziengen[bewerk | brontekst bewerken]

 
Provincie Zuud-Olland
Flag Zuid-Holland.svg
Gemeênten

D'n Aegt | Alblasserdam | Albrandswaerd | Alkemade | Alphen an de Rijn | Barendrecht | Bergambacht | Bergschenhoek | Berkel en Rodenrijs | Bernisse | Binnenmaes | Bleiswijk | Bodegraeven | Boskoop | D'n Briel | Capelle an den IJssel | Delft | Dirksland | Dordt | Giessenlanden | Goereê | Gorkem | Gouda | Graafstroôm | 's-Graevendeel | Hardinxveld-Giessendam | Hellevoetsluus | Hendrik-Ido-Ambacht | Hillegom | Jacobswoude | Katwiek | Korendijk | Krimpen an den IJssel | Kromstrien | Leerdam | Leiden | Leiderdurp | Leidschendam-Voorburg | Liemeer | Liesveld | Lisse | Maassluus | Menheerse | Midden-Delfland | Moordrecht | Nederlek | Nieuw-Lekkerland | Nieuwerkerk an den IJssel | Nieuwkoôp | Noordwiek | Noordwijkerhout | Oegstgeest | Oôstflakkee | Oud-Beijerland | Ouwerkerk | Papendrecht | Pijnacker-Nootdurp | Reeuwijk | Ridderkerk | Rijnwoude | Rijswijk | Rotterdam | Rozenburg | Schiedam | Schoônhoven | Sliedrecht | Spiekenisse | Strien | Ter Aer | Teylingen | Vlaerdingen | Vlist | Voorschoten | Waddinxveen | Wassenaer | Westland | Wesvore | Zederik | Zevenhuzen-Moerkapelle | Zoetermeer | Zoeterwoude | Zwijndrecht

Waeterschappen
Delfland - Ollandsen Delta - Rienland - Rivierenland - Schieland en de Krimpenerwaerd
Belangrieke streken
Bollenstreek - Krimpenerwaerd - Alblasserwaerd - Vuufeêrenlanden - IJsselmonde - Svore-Putten - Oekse Waerd - Goeree-Overflakkee
Nederland | Provincies | Gemeênten