Reykjavík

Uut Wikipedia
Hi nae: navigaotie, zoeken
Reykjavík

Reykjavík is de oôdstad van Iesland en is de noordelijkste oôdstad ter waereld. De stad eit ca. 120.000 inweuners. Reykjavík liet in zuudwest-Iesland in de gemeente Reykjavíkurborg an de fjord Kollafjörður, een uutloôper van de hrote baoi Faxaflói. In de fjord ligge zes kleine eilanden: Viðey, Engey, Þerney, Akurey, Lundey en Grotta. Het schiereiland Geldinganes is mee een heel smalle landtong an het vasteland verbonden. De stad zelf liet voornaemelek op het schiereiland Seltjarnarnes. De voorsteên ligge voornaemelek ten zuujen en oôsten deervan.

Reykjavík is over een hroôt gebied uut'espreid. Hoôgbouw komt voo, mar leegbouw en wieds op'ezette weunwieken domineren en er binne meerdere plekken onbebouwd voor recreatieve doeleinden. De hroôtste rivier die deu de stad lopt is de Elliðaá.

Interessante plekken[bewerk | brontekst bewerken]

  • Harpa, een futuristisch ogende concertzaele en conferentiecentrum bie de ouwe haevene, geopend op 13 mei 2011.
  • Þjóðminjasafnið: Nationaol Volksmuseum mee vondsten uut de Vikingtied (boeredracht enzo).
  • Þjóðmenningarhúsið: een museum mee originele Ieslandse manuscripten
  • Árbæjarsafn: openlochtmuseum.
  • Ráðhus Reykjavíkur: het raedhuus mee een reliëfkaerte van Iesland.
  • Alþingishúsið: het parlementsgebouw bie het parkje Austurvöllur int centrum.
  • Árni Magnússon Manuscript Institute: onderzoekt en beheert ouue Ieslandse manuscripten.
  • Hallgrímskirkja: een kerke die de skyline domineert, mee een magnifiek uutzicht over Reykjavík en wieje omgeving.
  • Perlan: een museum met bovenin een (exclusief) restaurant met panoramisch uutzicht (vriee toegang) bovenop de imposante warmwateropslagtanks.
  • Reykjavík 871 ± 2: Museum en expositie over de kolonisatie van het gebied rond Reykjavík, de Landnámssýningin. Dit museum omvat de originele fundamenten van een langhuis, en is voorgedragen als het mooiste museum ter weareld in 2008.
  • Laugavegur: winkelstraete.
  • Tjörnin: een fraaie viever int centrum mee vee soort'n eenden en ganzen.
  • Höfði: het witte huus uit 1909 weer Reagan en Gorbatsjov in 1986 het ende bezegelden van de Kouwe Oorlog.
  • Dómkirkjan, een kerke uut 1787 an het Austurvöllur (plein).
  • Menntaskólinn í Reykjavík, schoolgebouw uut 1846.
  • Landakotskirkja, een kerke uut 1929.
  • Landspítalinn, een ziekenhuus in een klassiek gebouw.

Steênbanden[bewerk | brontekst bewerken]