Queensland

Uut Wikipedia
Hi nae: navigaotie, zoeken
Kaerte Queensland

Queensland is un deêlstaet int noortoôstn van Australie. Queensland ei een oppervlak van 1.730.648 km2 en wor dibie de op een ni groste deêlstaet van Australie. De oôdstad van Queensland is Brisbane en das ok de groste stad. De naem is afeleit van Queen Victoria, de konuhinne in de tied a Australie een kolonie was. Ok is ter noe een staet Victoria. Queensland ei oengeveer 4 miljoen inweuners, wivan oengeveer 77 procent christeluk is, 1% hindoe en boeddhist en de rest onchristeluk.

Natuur[bewerk | brontekst bewerken]

In Queensland wor een tropisch en un subtropisch klimaet onderscheien. In de oerwoudn komm'n diersoôrtn voe die an nergus ars voorkommn. Der zittn vurral vee endemisch veuhels. Een pèr voorbeeldn: Australische salanhaan (Aerodramus terraereginae), Victoria's heweerveuhel (Ptiloris victoriae), zwartkopraltimalia (Orthonyx spaldingii) en roestflankelfje (Malurus amabilis).

Lihhieng[bewerk | brontekst bewerken]

In 't noôrn lig Kaap York, das de stekel van Australie vlakbie Nieuw-Guinea. 't wessen van Kaap York lih an de Holf van Carpentaria en t ôsten an de Hrote Oceaan. In t wessen hrens Queensland an Northern Territory en in t zuuden an New South Wales. An de oôstkant zien de dichtsbieziendste eilannhroepn de Salomonseilan'n, Vanuatu en Nieuw-Caledonie.

Link nae buuten[bewerk | brontekst bewerken]