Farhud

Uut Wikipedia
Massagraf voe de slachtoffers van de Farhud.
Gedenkteken in het Israëlische Ramat Gan, ter 'erinnering an de slachtoffers van de Farhud

De Farhud of Farhoed (Araobisch: الفرهود‎) was 'n pogrom gericht tegen de Joôdse inweuners van Irak en vong plaes in 1941. Tussen de 150 en de 200 Joôden lieten in de nacht van 1 op 2 juni 1941 het leven. Zes'onderd aore volgden hetzelfde lot laeter die weke, voedat Britse troepen de orde 'erstellende. Circa duuzend Joôdse wienkels en 'uuzen wieren geplunderd, vernield en in brand gestoken. De laeter teruggevonge massagraeven doewe vermoeden dat het antel doôden eihenlijk nog vee 'oôger was.

De Farhud vong plaes in de verwarring die ontstong nae de pro-Duutse staesgreep van Rasjid Ali al-Gailani. Tiejens het Joôdse weêkenfeêst Sjavoeot wier een Joôdse delegaotie die blomen nae het paleis ongerweg was angevallen bie de Al Khurr brug. Laeter volgende anvallen in de wieken Al Rusafa en Abu Sifyan, wee Joôdse wienkels in brand wieren gestoken en een synagoge wier verwoest.

In de eêste nacht kwamme circa 180 Joôden om 't leêven en wiere 685 Joôdse wienkels en 'uuzen verwoest.[1] Wat d'r in de weke naedien gebeurende is nie 'ellemaele duudelijk.

Vee Joôden vluchttene nae deze pogrom nae de gebieden die laeter de staet Israël zouwe vurme. Irak stit dit alleêne nie toe en de vervolging van de Joôden neemt toe, vooral nae de stichting van Israel in 1948. Nae Britse bemiddeling stit Irak het vertrek van de Joôden toe. Tussen 1949 en 1951 wor 'iervoo Operatie Ezra en Nehemia op touw gezet deu de Israëlische overeid. Meer as 110.000 joôden verlaete het land. Ze meuge van de Iraekse overeid vuuftig dinar per persoôn meenemen. Aole overige bezittiengen worre 'geconfisqueerd'. Tiejens de operaoties worre anslagen gepleegd op synagogen in 1950 en 1951.

Qua omvang is de Farhud te vergeliekene mie de Duutse Kristallnacht in 1938.

Literature[bewerk | brontekst bewerken]

  • Levin, Itamar (2001). Locked Doors: The Seizure of Jewish Property in Arab Countries. (Praeger/Greenwood) ISBN 0-275-97134-1
  • Shamash,Violette (2008,2010) "Memories of Eden: A Journey Through Jewish Baghdad."(Forum Books, London; Northwestern University Press, Evaston, IL, USA) ISBN 978-0-9557095-0-0
  • Shenhav, Yehouda (2002). Ethnicity and National Memory: The World Organization of Jews from Arab Countries (WOJAC) in the Context of the Palestinian National Struggle. (British Journal of Middle Eastern Studies. 29 (1), 27–56)
  • Kedouri Elie (1974) The Sack of Basra and the Farhud in Baghdad, (Arabic Political Memoirs. London), pagina 283–314.
  • Meir-Glitzenstein Esther (2004). Zionism in an Arab Country: Jews in Iraq in the 1940s. (London en New York)
  • Zvi Yehuda and Shmuel Moreh (Ed.): Al-Farhud: the 1941 Pogrom in Iraq. (Magnes Press en het Vidal Sassoon International Center for the Study of Antisemitism), verschijnt in 1992 in het Hebreêuws en in 2010 in het Engels: ISBN 978-965-493-490-9

Zie ook[bewerk | brontekst bewerken]

Rifferensies[bewerk | brontekst bewerken]

  1. Krantenartikel: The terror behind Iraq's Jewish exodus, geschreven door Julia Magnet (The Telegraph, 16 april 2003)

Externe verwiezieng[bewerk | brontekst bewerken]