Aelsmeer

**Gemeênte Aelsmeer**
Nederlands	Aalsmeer
'Ollands	'tzelfde

Liggienge
Kaerte
Land	Nederland
Provincie	Noord-'Olland
Streêken	Amstelland 'Ollandse Plassen
Oôdplekke	Aelsmeer
Oppervlakte	32 km²
- land	20 km²
- waeter	12 km²
Inweuners	33.000 (2023)
Dichteid	1644 inw./km² (land)
Coördinaot'n	52°16’ N 4°46’ L / <span class="geo-dec geo" title="Maps, aerial photos, and other data for Fout in uitdrukking: Onbekend woord "n".°Fout in uitdrukking: Onbekend woord "n".’ Fout in uitdrukking: Onbekend woord "n".’’ Fout in uitdrukking: Onbekend woord "l".°Fout in uitdrukking: Onbekend woord "l".’ Fout in uitdrukking: Onbekend woord "l".’’">Fout in uitdrukking: Onbekend woord "n".°Fout in uitdrukking: Onbekend woord "n".’ Fout in uitdrukking: Onbekend woord "n".’’, Fout in uitdrukking: Onbekend woord "l".°Fout in uitdrukking: Onbekend woord "l".’ Fout in uitdrukking: Onbekend woord "l".’’

Aelsmeer is 'n gemeênte en plekke in de provincie Noord-'Olland. De gemeênte ei 33.000 inweuners, de plekke 24.000.

Heschiedenisse

Aelsmeer wor voe 't eêst enoemd in 1133 mie de naem 'Alsmar' in een oôrkonde hericht an den abdie van Riensburg. Indertied waeren der nog vee bossen en wier der vee turf ofestoken, zoda op een duur vee waeter ontstoeng en de mensen hiengen vissen. De hrond wier hebruukt voe onder are de teêlt van errebezems. In de 17e eêuw wiern ienkele meren droôhe eleid en wier de visserie minder en wier wee overeschaokeld op de tuunbouw, vurral den teêlt van errebezems.

Om de errebezems an de man te briengen, onstoengen eêste veiliengen behun de 20e eêuw. Toen a ondekt wier dan rozen 't hoed deen op de hrond in en rondom Aelsmeer, wier de veilieng a hauw hebruukt om blommen te verkoôpen.

In de Twidde Waereldoôrlog wier Aelsmeer een nist van de nazi's vanwehe zen stratehische lihhieng bie Schip'ol en den NSB-burhemeêster Kolb. Vanaf 1942 waren der verschill'nde Joden in Aelsmeer uut Amsterdam onderedoken.

In 1972 wiern de twi veiliengen van Aelsmeer efuseêrd tot 1 hroôte veilieng, de Vereênigde Blommeveiliengen Aelsmeer, die a dich bie Schip'ol lig. Deur deze hunstihe lihhieng qua infrastructuur ei de blommeveilieng een hoeie plekke veroverd op den Amerikaonsen en Japanse mart.

Aelsmeer noe

Aelsmeer is bekend over den aele waereld vanwehe de blommenteêlt en de blommeveilieng, wat a de hroste blommeveilieng van den aele waereld is. De misten industrie is elehen an de Legmeerdiek, onder are worn der ok jachjes en verpakkiengsmateriaol eproduceerd.

Te bezichtihen zien onder are de Historische Tuun Aelsmeer, een botaonische tuun over tuunbouw. Ok ka'j een rondvaert maek'n over de Westènder Plassen, wirin an vee eilandjes lihhen en vee an waetersport wor edaene. An deze Westènder Plassen lihhen ok vee kaoitjes en an de rand sti de waetertoôr'n van Aelsmeer.

Eêst wier der ok aoltied een blommencorso ehouwen in Aelsmeer, mè deurda de belangriekste sponsor, de blommeveilieng, der mie opieuw op 1 september 2007, wier de traditie ofebroken.