Sturmmeêuwe

Sturmmeêuwe
IUCN-status: Veilig

Sturmmeêuwe

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves}
Orde:	Steltloôperachtegen (Charadriiformes)
Femielje:	Meêuwen (Laridae)
Heslacht:	Larus

Soôrt

Larus canus
(Linnaeus, 1758)

De sturmmeêuwe (Larus canus) is een veugel uut de femielje van de meêuwen (Laridae). De sturmmeêuwe liek op de kolle, mè ei hroenihe in plekke van rooie poôten en een hele snaevel zonder rooie vlekke. Ok ei de sturmmeêuwe in plekke van hele zwarte oôhen. De sturmmeêuw is in iets mindere maete een vuulniseter as de kolle en kom ok meêr an de kuste voe. Op de Wadd'neilan'n kom de sturmmeêuwe 't aele jaer voe en an de rest van de Nederlanse kust allênig in de winter.

Broeien

Sturmmeêuwen broeien aoltied in de buurte van waeter of moerassen, wir an ze een nist maeken in een boôm of op de hrond. Ze broeien in kelonies die an kunn'n oploôp'n tot 350 paertjes. Der worn tot drie eiers eleid, die an uutkomm'n nae 24-26 daehen en de jong'n vliehen uut nae 30-35 daehen.

Populatie

Sturmmeêuwen zien alleseters. De totaole populatie wor eschat op 1 miljoen, wivan 80% in Europa. De rest kom voe in Noôrd- en Oôst-Azië, Alaska en Canada. Ebroed wor allaen in Noôrd-Europa, Noôrd-Azië en 't noôrdwessen van Noôrd-Amerika.

Ondersoôrt'n

De sturmmeêuwe kan onderverdeêld worn in 4 ondersoôrt'n, naemelijk de volhende:

Larus canus canus
Larus canus brachyrhynchus
Larus canus heinei
Larus canus kamtschatschensis

Heliekende soôrten