Paptaort
(Deurverwezen vanaf Groese paptaort)
'n Paptaert is 'n rond stik gebakke blaederdeeg mee in 't midde 'n uutspaerienge, daerin karnemelkse pap ('Ollands: vla), meêstentieds mee vernieljesmaek, oor gedae. Ze ore mee brune suker gegete.
Paptaerten komme vo in 't Land van Kezand en bin voraol geliefd in De Groe. Ze bin meschien ingevoerd in d'n tied van de Spaonse bezettienge; zukke taeretjes bin op 't Iberisch schiereiland naemendlijk ok bekènd. Vanouds wiere ze gegete mee de baemisse, d'n eêste woensdag van oktober, as de erfpachters saemekwaeme. In de loôp van d'n tied bin aolle Groeënaers baemisse gae viere en dus ok paptaerten gae ete.
Paptaerten ore in De Groe nog altoos kleinschaelig ambachtelijk gebakke en bin buten de gemeênte Sluus glad nie bekènd.