Anslag op Charlie Hebdo
Op 7 jannewari 2015 was d'r een anslag op het Franse satirische blad Charlie Hebdo in Parijs. Anleiding waere cartoons over de islamitische profeet Mo'ammed. D'r viele 12 doôden en ienkele (zwaer)gewonde. Tweê daegen laeter wiere de daeders gepakt in een durpje boven Parijs. Ze kwamme aollebei om. Tegeliekertied wier in Parijs een Joôdse supermart overvalle en gegijgeld deu een moslim uut Afrika. Die ao een dag eerder een pliesie neergeschoten. Rond 6 ure wier deze gijzeling beëindigd. Vier gegijzelde overlevende dat niet. Bie makaore kwamme d'r 20 mensen omme, weeronger drie daeders.
Bekende slachtoffers
[bewerk | brontekst bewerken]-
Cabu. -
Charb. -
Tignous. -
Georges Wolinski. -
Philippe Honoré
Naesleep
[bewerk | brontekst bewerken]Op vriedag 16 jannewari en zaeterdag 17 jannewari kwamme in Niger tien mensen omme bie een protest tegen de nieuwe Charlie Hebdo, weera Mo'ammed weer was ofgebeeld. Het totaol antal doôden van het 'ele gebeuren kwam 'iermee op 30.