't Kerkje

Liggienge

't Kerkje

Woapn van Woaterlandkerksje

't Kerkje (Nederlands: Waterlandkerkje) is een durp op Zeêuws-Vlaonderen in de gemeênte Sluus. 't Dorp leit an de wegt Wostburg-Izendieke (N676), en 't ao 520 inweuners in 2023. 't Kerkje is in de streke bekend deur de vele kerkconcert'n en de Meerminnefeês'n.

Geschiedenisse

't Kerkje is ontstoan in 1669 en 't gehucht wierd 't Kerkje 'enoemd. In 1796 kreeg 't dorp de naom Woaterland, moa roend 1820 is de noame veranderd in Woaterlandkerkje om niet te verwarren mè 't Belse durp Woaterland-Oudeman da vuuf kilometer zudeliker ligt in 't Meetjesland. In 1970 kwam de zelfstandige gemêente 't Kerkje bie Wostburg en wierd'n der nieuwe huuz'n gebouwd. Deur de gemêentelike herindêlienge in 2003 is de gemeênte Wostburg op'ego in de gemeênte Sluus.

Meerminne

In 't woap'n is ter een zeêmeerminne ofgebeeld, een verwyzienge noar 'n sage die goat over 't dorp. Een visser uut Wostburg vieng een zeêmeerminne in z'n nett'n, nae dat 'n de hêel'n dag gevist had zoender succes. Ze vroeg hem van heur osjeblief were te loat'n gaon noa de zêe, moa de visser woe geld an heur verdien'n deur met heur op de mart in Wostburg te goan stoan. Moa der kwam juste een voerman uut 't Kerkje verbie die aolles gezien hao. Ie liep ter noa toe, smeet de visser in 't woater en liet de zeêmeerminne los, die oender woater dook en wegzwom. Intuss'n woar'n der boern en wêrkvolk op of'ekomm'n. Ze noemde de meerminne Hildegonda, en ze sprak een toekomstvôorspellienge uut: 't Kerkje zou nog lange een kleên dorp bluuv'n, moar op 'n dag zoun d' inweuners 't dorp in êendracht toet groei en bloei brieng'n. Doarachter gienk ze der van deure en niemand hè Hildegonde nog weregezien.

Woapn en vlagge

Op 't woapn stoat er zeêmeerminne die uut groen-witte boan'n komt en op een gouwe hoorne bloast, een verwyzienge noa de sage over de meerminne Hildegonda. 't Schild'ood is in 't zulver, met een blaeuwe letter W. De vlagge bestoat uut drie horizontoale striep'n van blaeuw, wit en groen, de kleur'n van 't woap'n.

Lienks nae buten

• Plaatsengids
• AlleCijfers
• Meerminnefêesten
• Website van 't durp