Wouter Koolmees
Wouter Koolmees (Capelle an den Iessel, 20 maerte 1977) is een Nederlandse bestierder en voormaelig amtenaer en politicus vò D66.
Koolmees studeêrde economie an den Universiteit Utrecht en werkte o.a. bie 't ministerie van Financiën.
Van 2010 toet 2017 was um Twidde Kaemerlid.
Vervolgens was um van 2017 toet 2022 minister van Sociaele Zaeken en Werkgeleheneid int kabinet-Rutte III.
Belangriek ongerdeêl van um z'n ministerschap was den 'ervormieng vant pensioenstelsel.
Ok was um van november 2019 toet meie 2020 vicepremier, as tiedelijk vervanger van partiegenoôt Kajsa Ollongren.
Koolmees was betrokk'n bie den vormieng vant kabinet-Rutte IV in 2021 (as verkenner en informaoteur) as ok vant nieuwe college van burhemeêster en wetouwers van Rotterdam in 2022.
Sins november 2022 is um bestiersveuzitter van de Nederlandse Spoôrwehen.
In november 2025 was um as verkenner betrokk'n bie den vormieng van een kabinet-Jetten (ok D66).