Svalbard Global Seed Vault: verschil tussen versies

Uut Wikipedia
Verwijderde inhoud Toegevoegde inhoud
Tamatauenga (Overleg | biedraegen)
Svalbard Global Seed Vault
(geen verschil)

Versie op 26 feb 2008 17:09

Plaetje:Global-Seed-Vault 0844 inngansparti kunst F Mari Tefre.jpg
Inhang van de Svalbard Global Seed Vault

De Svalbard Global Seed Vault is een heen'nbanke op Spitsberhen (Svalbard), een eiland ten noôrn van de Noorse kust.

't Project

Deze heen'nbanke is een opslagplekke voe zaeden, ebouwd in een berg. De heen'nbanke bevin zen eihen 120 meter diepe in de berg op 130 meter boven zeêniveau. De opslagplekke voe de zaeden wor onder aore betaeld deur de reherieng van Noorwegen en deur de Bill & Melinda Gates Foundation. 't Doel van deze hroôtscheepsen operaotie is de beschermieng van vele soôrten zaeden van over de aele waereld. 't Project vin plekke onder leidieng van de Global Crop Diversity Trust.

Beschermieng

De heen'nbanke wor zo hoed meuhelijk beschermd en is dirrum ok 130 meter boven zeêniveau eplekt voe 't heval a de zeêspiehel deur de smelt'nde ieskapp'n ard smelt. De zaeden worn bewaerd onder een temperatuur van -18°C.

Leverienge

Plaetje:Svalbard Global Seed Vault.jpg
't Ontwerp uut 2007

De zaeden zien eleverd deur bedrieven uut vee lan'n, wironder 't Centrum voe Henetische Bron'n Nederland in Waheniengen. In totaol wiern 18.000 monsters mie elk 500 zaeden eleverd deur bedrieven over ael de waereld. In totaol dus 9 miljoen zaeden. De Svalbard Global Seed Vault wier offisjeel e'opend op 26 feberwari 2008, oewel de minister-president'n van Noorwegen, Zweden, Finland, Denemarken en Iesland op 19 juni 2006 a den eêssen steên eleid an.