Terschellienge

Liggieng van Terschelling

Terschelling (Fries: Skylge) is 'n eiland in d'n Waddenzeê. Terschelling ligt in d'n Nederlandse provincie Friesland. De groôste plekke op het eiland is West-Terschelling. Bie mekaore weune d'r zo'n 5.000 mênsen op het eiland. Een aor durp op Terschelling is Midsland. Vanof 'West' is er een veerverbinding nae Harlingen, die-a d'r naebie een ure over vaert.

Terschelling grenst an de Noôrdzeê en int zuujen an de Waddenzeê; ten zuudwes'n leit Vlieland en ten oôs'n Ameland. De totale strandliengte is 30 kilometer. Nae Texel is Terschelling het groôste Nederlandse waddeneiland.

Net as bir de meêste aore Waddeneilanden is het toerisme een belangrieke bron van inkoms'n. In het 'oogseizoen bin d'r meer as drie keer zovee mênsen as in de winter. In juni is Terschelling jaerlijks de locatie voo het Oerol Festival. Vadder kent Terschelling de zeêvaertschole Willem Barentsz (sins 1875). Een bekend bouwwêrk op het eiland is de vuurtoren Brandaris.

Geschiedenis

Het eiland is in de Middeleêuwen ontstaen naedat een zandplaete mee de naem De Schelling saemen ging mee het oôstelijker gelegen eiland Wexalia. De naam Wexalia, Wuxalia of Wecsile geldt as de middeleeuwse naam voo het gebied van Oôst-Terschelling. De naem raekte al in de Middeleêuwen in onbruuk. In de 17e eêuwe wier het eiland deu de Iengelse geplunderd. Ant ende van de 18e eêuwe strandde bie het eiland het goudschip De Lutine.

Terschelling is verscheie keren in aore han'n overgegaen; de laeste keer was in de Twidde Wereldoôrlog (1942), toe Terschelling saemen mee Vlieland van de provincie Noord-'Olland bie de provincie Friesland kwam.

West-Terschelling

Durpen en g'uchten

De gemeênte Terschelling telt vuuftien officiële kernen. De 'oôdplekke is West-Terschelling.

Antal inwoners per plekke op 1 jannawari 2010:

Nederlandse naem	Lokale naem	Friese naem	Inweuners
West-Terschelling	West	West-Skylge	2423
Midsland	Meslôns	Midslân	1015
Hoorn	Hôane	Hoarne	478
Formerum	Femearum	Formearum	237
Lies	Lies	Lies	140
Oosterend	Aastrein	Aasterein	132

Bron: CBS

Gemeênteraed

De gemeênteraed van Terschelling bestit uut 11 zetels. 'Ieronger stit de saemenstelling van de raed sins 1998:

Gemeênteraadszetels
Partij	1998	2002	2006	2010
PvdA	3	4	3	4
Plaetselijk Belang	4	2	3	3
VVD	2	2	3	2
CDA	2	3	2	2
Totaol	11	11	11	11

Externe verwiezieng

• Website van de gemeênte Terschelling