Wikipedia

't Loho van Wikipedia

Wikipedia is 'n online encyclopedie zonder winsoôgmerke, dat-a wil zegge dat d'r hin held mie verdiênt wor. Wikipedia zen doel is 't maekn van 'n encyclopedie in iedre taele. Neffen encyclopedische artikels beschik Wikipedia ok over infermasie over zaok'n die an in 't nieuws zien en derhelijke. Iedreên is vrie om de infermasie te bewerk'n.

Heschiedenisse

Den eêssen Wikipedia is behonn'n op 15 jannewari 2001, en wè in 't Iengels. Dees Wikipedia is ok de hrôôtste, mie mier as 4.000.000 artikels in 2012. Den eêssen aorstaelihe Wikipedia, de Fransen, kwam op 23 maerte 2001. Op 19 juni 2001 behon de Nederlandstaelihe versie. Sins 1 oktober 2006 is ok de Zeêuwse versie van Wikipedia online (Zeêuwstaelihe Wikipedia), in september 2012 weare d'r al meer dan 3.300 artikels.

Kenmerk'n

De drie krakterestieke kenmerk'n van Wikipedia op 't World Wide Web zien:

• 't Worn van 'n encyclopedie is 't doel
• 't Is 'n wiki die a deur iedereên verandert kan worn (mie uutzonderieng van heblokkeêrde hebrukers en beschermde pahina's)
• Den in'oud is vrie en mik hebruuk van de copyleft GNU Free Documentation License.

Zie ok

• Lieste van aolle Wikipedia's (Iengels)