Flamingo's

Flamingo's
Rooie flamingo
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Veugels (Aves)
Orde
Phoenicopteriformes (Fürbringer, 1888)

Flamingo's

De flamingo's zien onderdeêl van de veugels (Aves). Ze maeken onderdeêl uut van een eihen orde van flamingo's, de Phoenicopteriformes. Ze worn echter ok bie de Ciconiiformes inedeêld.

Eetn

Flamingo's zien voedselspecialist'n. Flamingo's èn een filtermehanisme in der snaevel zodan ze der eetn uut 't waeter kunn'n filtern. Flamingo's schoffel'n in ondiep waeter om an der eetn te komm'n. Flamingo's eetn kreeftachihen, schelpdier'n en wurmen, mè der zien ok, de kleinere soôrten, flamingo's die an algen eetn. Flamingo's èn vliezen tussen der teên'n. Dit dien ter voe dan ze nie wigzakk'n in de slik. Flamingo's leven mistal rond zoutmeren en ondiepe zeê'n. Ze leven in de tropen en subtropen, mè komm'n ok wè voe in hematige hebieden.

Kenmerken

Flamingo's zien 140 toet 175 cm lange, bie de kop en de nikke der bie. Flamingo's zien altied roze, rood of soms zelfs tehen de witte kant an. De ventjes zien hrotter dan de wuufjes.

Broeien

Flamingo's nesteln in hrôte kolonies. Ze baltsen ok in een hroepje. Ze lèn 1 ei op een bergje slik. Wunnir de jongen wat hrotter zien, mo'n ze ni een soôrt oppasplekke wiran de ouwers bie toerburte oppassen.

Soôrten

Der zien 6 soôrten flamingo's, verdeêld over drie heslachten:

• Heslacht Phoenicopterus
  • Amerikaânse of rooie flamingo (Phoenicopterus ruber)
  • Chileense flamingo (Phoenicopterus chilensis)
  • Hewone flamingo (Phoenicopterus roseus)
• Heslacht Phoeniconaias
  • Dwergflamingo (Phoeniconaias minor)
• Heslacht Phoenicoparrus
  • Andesflamingo (Phoenicoparrus andinus)
  • James' flamingo (Phoenicoparrus jamesi)