Koôke

Oôdherecht mie riest

Koôken is iets wat an daehelijks miljarde mensen doen, as noôdzaekelijke bezigeid of voe der plezier. Koôken is iets wat a betrekkieng ei toet de primaire behoeft'n van een mens, en dus een bezig'eid is die a nooit verloorn za haene.

Maeltieden

Een maeltied kan uut verschill'nde prohramma's bestaen, oewel a dit nie aoltied noôdig is. Vurral in resterants wor de maeltied vaok opedeêld in verschill'nde hangen. Volhens de horecawet mot een maeltied aoltied zien opedeêld uut drie werme component'n, te weetn petaoten, vleês en hroente. Een voôrbeeld oe a een luxe maeltied of menu der uut kan ziene, is:

• Aperetiefje: alcoholisch drankje of 'artig hapje
• Voeherecht: soep, bouillon, een cocktail of hors d'oeuvre
• Oôdherecht: hroente, vleês, vis, kip, heveuhelte, riest, pannekoek, stamppot of iets aors
• Sorbet: een iesje om de eetlust te stimuleern
• Bieherecht: salade of compote
• Naeherecht: vaok zoete; ies, pap, puddieng of fruut

Kooktechniek'n

Binn'n de hastronomie, de proffesjoneêle keuken, zien der veêrtien verschill'nde kooktechniek'n, naemelijk:

Koôken Frituurn Stoômen Stoven Hrilleern Blancheern Poêleern

Pocheern Sauteern Hratineern Bakken in 'n oven Bakken en braoien Smoorn Hlaceern