Middelburg: verschil tussen versies

Uut Wikipedia
Verwijderde inhoud Toegevoegde inhoud
k Wiezigingen deur 37.74.60.132 (Overleg) teruggedraoid nae de lèste versie van Wwikix
Label: Terugdraaiing
Rehel 60: Rehel 60:
* [[Tramways à vapeur Flessingue-Middelbourg et extensions]]
* [[Tramways à vapeur Flessingue-Middelbourg et extensions]]
* [[Four Freedoms Award]]
* [[Four Freedoms Award]]
* [[Oemoemenoe]]


== Lienks naer buten ==
== Lienks naer buten ==

Versie op 24 oes 2018 09:11

Locaosie van Middelburg in Zeêland
Gemeênte Middelburg
Vomaeleg Staduus an de Mart
Middelburg in de jaeren '20
De gebombardeerde stad in 1940
De Lange Jan

Middelburg (Ollans: Middelburg) is de oôdstad van de provincie Zeêland. 't Leit op Walchren. Nae Terneuzen is 't de tweêde gemeênte naer antal inweuners: onheveer 48.000 in 2017. De gemeênte omvat nessens de stad Middelburg ok nog de durpen Erremu, Kleverskerke, Sint-Lauwers en Nieuwland en de buurschappen 't Ouwedurp en Perdamme. Middelburg is de oudste stad van de Zeêuwse eilanden en oort op Walchere dikkels angegeve mee Stad. De bienaem van de Middelburgers is Maeneblussers.

Functies

Zoôas bove gezeid is Middelburg oôdstad van Zeêland, daermeê 't 'n administratief centrum is. Sins 2006 eit 't waeterschap oôk ze rissidensie in Middelburg. Industrieel leit 't achter bie Vlissienge, mae d'r is wel 'n industrieterrein: Arnestein. Ok is d'r een nieuw bedrieventerrein "Mortiere". Bie toeristen is 't vee in trek, deu 't istorische karakter van de binnestad.

Stadsbeêld

Middelburg is nog dudelik 'n ouwe vestiengstad, mee 'n veste die vo 't groôste deêl nog lanks de ouwe bolwerken loôp. Alleên in 't zuudoôste is de veste verrinneweerd, deur 't in de negentiende eêuw gegraeve Kanaol deur Walchere. Middelburg eit betrekkelik vee monumente, daervan de Abdij mee d'n negetig meter oôgen toren, de Lange Jan, 't Vomaelig Staduus, de Kloveniersdoelen en de ouwe aeves de meês opvallende bin. Ok de Oôstkerke mag nie onvermolde bluve. Verders bin d'r 'n oôpe erenuzen. Rondom de Mart (waara het stikt van de duven) bin nae de Twidde Wereldoôrlog de meêste verwoeste 'uuzen niet herbouwd, mae bin er nieuwe gebouwen neerhezet in traditionele stijl. 't Straetepatroôn rond de Mart is vee veranderd. Buuten het stadscentrum is weinig 'oôgbouw te vinden, weerdeur het anzicht van de stad vanof het platteland van Walchern intact is gebleven.

Historie

Middelburg wier in de vroege Middeleêuwen gesticht as burcht an 't riviertje de Arne, tusse Duun-burg (Domburg) en Zuud-burg (Soeburg). De burcht eit oengeveer op de plek van de Abdij gelegen, terwiel 't gebied van de Mart toen ok al beweund geweêst moe weze. Rond 1125 è ze de Adbij gesticht en in 1217 kreeg Middelburg stadsrechten van de graef van Olland. In de eêuwen daernae begon de stad te groeien door de vospoed die d'n andel over zeê brocht. Zoô kon in 1458 't Staduus gebouwd ore. 'n Ienkele bron liekt d'rop te wiezen dat de componist Jacobus Clemens non Papa (1510-1556) uut of bie Middelburg kwam, mae de anwieziengen daerom'eêne bin tegenstrieïg en ondujelijk.

In 1572, bie 't begin van d'n Tachtigjaerigen oorlog, sloôt de stad d'r eige nie bie d'n Opstand an, maer moch deu 'n beleg van de Waetergeuzen in 1574 toch capitulere. In de Rippebliek wier Middelburg nog belangrieker as andelsstad: zoôwel in de VOC as in de WIC aod 't 'n kaemer. Vanaf de achttiende eêuw goeng 't toch achteruut mee Middelburg, omad 't Sloe, d'n zeê-arm die-a Middelburg mee de zeê verboend, langzaeman dichtslibde. Daedeu verloor Middelburg z'n positie an Vlissienge, wat-a wel an zeê leit. In de 19e eêuw kreeg Middelburg een station an de Zeêuwse lijn.

In d'n Twidde Weareldoôrlog is de stad zwaer gebombardeerd deur de Duutsers in 1940 en in 1944 wier 't deu 't Britse bombardement op de Waschappelse Zeêdiek geïnundeerd. Nae d'n oorlog mochten vee gebouwe mee vee moeite weer ersteld ore. In 2004 trok 't gemeêntebestuur nae bekant 550 jaer uut 't staduus vo plekke te maeken vo de Roosevelt Academy, wat-a uut moe groeie toet de eerste Zeêuwse universiteit.

Gemeênteraod

Partij 1998 2002 2006 2010 2014 2018
Lokale Partij Middelburg 3 2 4 4 6
CDA 6 6 5 4 4 4
PvdA 6 6 7 5 4 3
VVD 4 3 3 3 3 3
SGP 4 3 3 3 3 3
CU 3 3 3 3 3 3
GL 2 2 2 3 2 3
SP 2 3 2 3 2
D66 2 1 2 3 2
Middelburg Transparant 1
Overigen 2
Totaol 29 29 29 29 29 29

Stadskaert

Kaertbeêld van de stad Middelburg in 2014:


Zie ok

Lienks naer buten