Miranda Slabber
Miranda Slabber (Erremu, 11 meie 1980) is 'n Zeêuws model. In 2004 wier ze Miss Zeêland en Miss Nederland.
Miranda groeide op in Erremu en volgde de mavo an 't SSGM in Middelburg. Toen-a ze daemee klaer was dee ze ok havo-exaomen, om daenae de pabo te gaen doeën. Mee 16 jaer begon ze an modellenwerk. Naedat ze d'r havo aelde was ze zelfs 'n jaer lang fulltime model. Ze stoeng voraol in vee (meisjes)blaeden en kwam ok uut vò bekènde kleêdiengmerken. Daenae goeng ze an de pabo en toen-a ze die af-ao dee ze mee an de verkieziengen vò Miss Zeêland. Die won ze op 11 september 2004 en op 10 oktober 2004 won ze in Hilversum ok d'n titel Miss Nederland, daermee ze de (ok a Zeêuwse) Sanne de Regt afloste. Van 8 november toet en mee 4 december stoeng ze vò Nederland bie de Miss-Worldverkieziengen in China. Deudat d'r in 2005 gin Miss Nederland gekoze wier, ieuw ze d'n titel anderalf jaer lank.
Miranda Slabber, die-a nog altoos in Erremu weunt, doet sinds vojaer 2006 presentaotiewerk vò de Zeêuwse tv-zender TV Maximaal.