Pieter Gerbrandy

Pieter Sjoerds (Pieter) Gerbrandy / Gerbrandij (Goënga, 13 april 1885 - Den 'Aeg, 7 september 1961) was een Nederlandse rechsheleêrde en politicus van den ARP.

Gerbrandy studeêrde rechen an den Vrieë Universiteit Amsterdam.

Daernae wierd um advocaet in Leiden en laeter in Sneêk.

Van 1917 toet 1920 was um raedslid van Sneêk.

Van 1919 toet 1930 was um Staetenlid en van 1920 toet 1930 ok gedeputeêrde van Friesland.

Vervolgens was um van 1930 toet 1939 'oôgleraer rechen an den Vrieë Universiteit Amsterdam.

In auhustus 1939 wierd um minister van Justitie int kabinet-De Geer II.

Bie den Duutse inval in meie 1940 vluchtte um mie den reherieng nae Iengeland.

In september 1940 wierd um premier, as opvolger van Dirk de Geer.

Um was leider van de algemeêne oôrlogskabinet'n Gerbrandy I, Gerbrandy II en Gerbrandy III.

Ok in de kabinet'n Gerbrandy I en II was um toet feberwari 1942 minister van Justitie en tussentieds van feberwari toet juni 1945 int kabinet-Gerbrandy III.

Int kabinet-Gerbrandy II was um van november 1941 toet meie 1942 eveneêns minister van Koloniën.

Vervolgens was um in de kabinet'n Gerbrandy II en III van meie 1942 toet juni 1945 minister van Oôrlog.

Nae den oôrlog wierd um in juni 1945 as premier opevolgd deu Willem Schermerhorn.

Van 1948 toet 1959 was um nog Twidde Kaemerlid (bealve juli-oktober 1956).

In 1955 wierd um minister van Staet.

Gerbrandy was hetrouwd en grifformeerd.

Kabinet'n

Lienks nae buten

Premiers van Nederland

Dirk de Geer (CHU, 1939-1940) — Pieter Gerbrandy (ARP, 1940-1945) — Willem Schermerhorn (PvdA, 1945-1946) — Louis Beel (KVP, 1946-1948) — Willem Drees (PvdA, 1948-1958) — Louis Beel (KVP, 1958-1959) — Jan de Quay (KVP, 1959-1963) — Victor Marijnen (KVP, 1963-1965) — Jo Cals (KVP, 1965-1966) — Jelle Zijlstra (ARP, 1966-1967) — Piet de Jong (KVP, 1967-1971) — Barend Biesheuvel (ARP, 1971-1973) — Joop den Uyl (PvdA, 1973-1977) — Dries van Agt (CDA, 1977-1982) — Ruud Lubbers (CDA, 1982-1994) — Wim Kok (PvdA, 1994-2002) — Jan Peter Balkenende (CDA, 2002-2010) — Mark Rutte (VVD, 2010-2024) — Dick Schoof (partieloôs, 2024-2026) — Rob Jetten (D66, 2026-noe)

Nederlandse kabinet'n