Iengels

Uut Wikipedia
Iengels (English)
Hesproken in: Britse eilan'n, Noôrd-Amerika, Australië, Nieuw-Zeêland, Caraïben, Oceanië, stikken van Afrika en Azië, wereldwied as lingua franca
Sprekers: 380 miljoen as moerstaele, 510 miljoen totaol.
Rang: 3 of 4 (afankelijk van telwieze)
Taelfemielje Indo-Europees


Alfabet: Latiens
Offisjele staotus


Taelcodes
ISO 639-1: en ISO 639-2(B): - ISO 639-3: - SIL: eng

Iengels is 'n West-Germaonse taele die a verwant is an 't Schots en 't Fries. Mie 't onstaen van de Iengelse koloniën ei 't Iengels zen eihen over den aele waereld vespreid. Binn'n 't Iengels zien vee leenwoôrn trug te vin'n uut 't Latien, Spaons, Italiaons en Frans. Vee mensen èn Iengels as twidde taele en Iengels hel dan ok as de lingua franca van de waereld.

Twidde taele[bewerk | brontekst bewerken]

EN (ISO 639-1)

A'j 't totaol antal sprekers van 't Iengels as moerstaele en as twidde taele optel, is Iengels de mist hesproken taele ter waereld.

Wunnir a'j allaen de moerstaelsprekers tel, wor 't allaen nog overtroffen deur 't Chinees en Spaons. Iengels funheer ok as de lingua franca in 't internasjonale sircuit: de weet'nschap, politiek en de economie.

In Nederland is Iengels voe vee mensen ok de twidde of derde taele. In 't voorthezet onderwies is Iengels 'n verplicht vak, en 't wor vaok ok a op de baosisschole eheven. Leerliengen van 't voorthezet onderwies mott'n ok exaam'n doene in Iengels.

Woôrnschat[bewerk | brontekst bewerken]

't Iengels ei net as 't Nederlands een vreêt hroôte woôrnschat vanwehe 't feit dan der vaok twi woôrn zien voe eên woôrd: der is spraeke van 'n Germaons woôrd en van 'n Romaons woôrd. Net as in 't Nederlands worn de Germaonse woôrn vaok in de spreektaele hebruukt en de Romaonse woôrn bie den offisjele schrieftaele. In 't Nederlands is ier echter wè vee minder spraeke van. Eschat wor da 't Iengels minimaol 500.000 woôrn ken.

't Nederlands ei ok een biedraehe ehad an 't Iengels, in 't biezonder bie woôrn die an te maeken ène bie de scheepvaert. Bekende woôrn zien yacht (jacht) en cookie (koekje).


Wikipedia
Wikipedia
Deze taele ei d'r eigen Wikipedia.
Bezoek de Iengelse variante.