Ehud Barak

Ehud Barak, Hebreêuws: אהוד ברק , gebore as Ehud Brog, (kibboets Mishmar HaSharon, 12 feberwari 1942) is een voormaelige Israëlische militair en politicus.

Barak wier gebore en groeide op int district Centrum en studeêrde wis- en natuurkunde an den Hebreêuwse Universiteit van Jeruzalem en economie in de Vereênigde Staeten.

Van 1959 toet 1995 was um int leger. Um was 'oôd van Aman (militaire inlichtiengendienst), 't Centraole Commando en van 1991 toet 1995 opperbevelebber.

Um was betrokk'n bie den Zesdaegse Oôrlog en den Jom Kippoeroôrlog, en as lid van Sayeret Matkal (speciaole ieneid) bie Operaotie Entebbe in Oeganda.

In 1995 was um minister van binn'nlandse zaeken int kabinet-Rabin II en van 1995 toet 1996 minister van butenlandse zaeken int kabinet-Peres II.

Van 1996 toet 2001 en van 2009 toet 2013 was um lid van den Knesset.

Van 1999 toet 2001 was um premier, vòganger was Benjamin Netanyahu en opvolger Ariel Sharon. Ok was um minister van defensie.

In juli 2000 in de Vereênigde Staeten onger leidieng van president Bill Clinton mislukten bespreêkiengen mie den Palestijnse leider Yasser Arafat; strukelblok was Jeruzalem.

In september 2000 kreêg Barak mie den uutbraek van den Twidde Intifada te maeken.

Van 2007 toet 2013 was um opnieuw minister van defensie, as ok vicepremier int kabinet-Olmert en 't kabinet-Netanyahu II.

Toet 2011 was um lid van HaAvoda (Errebeierspartie) en in 1997-2001 en 2007-2011 partieleider.

Kabinet

Kabinet-Barak (1999-2001)

Lienks nae buten

Premiers van Israël
David Ben-Gurion — Moshe Sharett — David Ben-Gurion — Levi Eshkol — Yigal Allon — Golda Meir — Yitzhak Rabin — Menachem Begin — Yitzhak Shamir — Shimon Peres — Yitzhak Shamir — Yitzhak Rabin — Shimon Peres — Benjamin Netanyahu — Ehud Barak — Ariel Sharon — Ehud Olmert — Benjamin Netanyahu — Naftali Bennett — Yair Lapid — Benjamin Netanyahu