Minkébé Nationaol Park

Uut Wikipedia

't Minkébé Nationaol Park is een uut oerwoud bestaend nationaol park in 't noôrdoôssen van Gabon (provincie Woleu-Ntem) tot an de hrenzen van Kammeroen ten noôrn van Gabon en ten oôssen tot an de hrenzen van Congo-Brazzaville. 't Minkébé Nationaol Park besli een oppervlak van 7560 km². Toet den eêsten 'elt van de twintigsten eêuw leven der nog mensen van de Fang-stamme, mè deze zien noe vertrokk'n.

Beschermieng[bewerk | brontekst bewerken]

't Rehenwoud wirin a 't Minkébé Nationaol Park lig is 't lèste Afrikaonse rehenwoud dat a aneênhesloten een oppervlak van zo hroôt as Nederland besli. Minkébé is in 1997 uuteropen toet nationaol park en dus beschermd hebied eworn. Een hedeêlte van 't hebied besti nog uut primair bos. 't Minkébé-project van 't WWF zurg voe bestrieding tehen illehaole outkap en derhelijke.

Bedreihieng[bewerk | brontekst bewerken]

In 't nationaole park leven nog horilla's en chimpansees, oewel an deze tussen 1994 en 1996 wè mie tot een tiende terugebrocht zien deur onder aore stroperie. Minkébé herberg een hroôt antal diersoôrten en plantesoôrten. Tussen deze zit ok de bongo, de hroste bosantilope ter waereld.

Varia[bewerk | brontekst bewerken]

In 1996 wier 't antal inweuners van 't durp Mayibout in Minkébé hedecimeerd deur ebola, warschienlijk overebrocht deur een dooien aap.