Matuku-tangotango

In de mytholohie van de Māori is Matuku-tangotango (ok wè Matuku) een oher (lillijk monster) die a Wahieroa, de zeune van Tāwhaki, kil. Naeda Matuku Wahieroa edoôd ei, hi Rātā, de zeune van Wahieroa, ni Matuku's weunplekke om zen vaor te wreek'n. Dir oôr 't een van een diensknechte van Matuku da Matuku kan edoôd worn deur 'n te doôien bie een volle maene wunnir a 't een zen hezicht en 'aer was in een poel.

Wunnir a 't een keêr volle maene is, wacht Rātā tot a 't monster uut zen rots'ol, wat a Putawarenuku eêten, kom en over de poel leun. Iernae pak 'n 't monster bie zen 'aer en kil 't een. Dan vetrek Rātā om de beênders van zen vaor te ren'n van de Ponaturi.

Een versie van 't Zudereiland van Nieuw-Zeêland zei de naem van de eilan'n wir a Matuku leven as Puorunuku en Puororangi.

Naem'n

• Matuku (Māori:roerdompe)
• Matuku-tangotango (tangotango is 'zò doenker as de nacht', dus is 't et 'roerdompe die a zo doenker as de nacht is')
• Matuku-takotako (dialect van 't Zudereiland)