Heersdiek

Uut Wikipedia
Liggienge
Strae'ie in Heersdiek

Heersdiek / Geersdiek (Nederlands: Geersdijk) is een durp in de gemeênte Noôrd-Beveland. 't Durp oa 350 inweuners in 2023. Heersdiek was'a in 1216 een zelfstandige parochie. Op 5 november 1530 wier 'eel Noôrd-Beveland overstroômd, en in 1532 gebeurende dat nogmaels. Aolle durpen, weeronger Heersdiek, verdwenen in de golleven. Mee 't opnieuw inpolderen van Noôrd-Beveland wier in 1598 behunnen. In 1668 wier, nae de bedieking van de Heersdiekpolder, in de buurt van 't ouwe Heersdiek 't hujege Heersdiek op'ebouwd, vogges een hrondplan mee haeks loôpende kaevels.

In 1808 wier iets ten zujen van Heersdiek een haeven'iee an'eleid. Dit wierd 'ebruukt vò 't verschepen van aerpels en juun, en vò een veerdienst op Zuud-Beveland. Rond 1850 wier de veerdienst op'eheven. Het haeven'ie is tehenwoordig in gebruuk as vluchthaevene. De naem is meuhelek ofkomstig van de voornaem Herlof (Gerlof).

Soôs De Vaete in Geêrsdiek is eên Soôs vò iedereên. Soôs de Vaete speêlt eên belangrieke rol binnen de gemeênschap van Geêrsdiek. Met regelmaat worden activiteiten georganiseêrd vò jong en oud.

Volkslied van Heersdiek[bewerk | brontekst bewerken]

Heersdiek dat kleine me prachtug durpje
je weunt di mooi
bi joe ek ut hoed
Oh, Heersdiek
de velden en de dieken
di klopt m'n harte
voel uk m'n Zeeuwse bloed.
Stae'k op d'n diek
dan kan'k eel varre kieke
di zie uk Veere
en Middelburg varre weg
ut is oal nie vlak
je ei ok oohe dieken
durp an ut waeter
ik wil ier nooit mi weg.
Elk jaerhetie-je
is wee anders
de sturmen raeze
soms over d'n diek
me kiek uk rond
in dat mooi-je durpje
dan bin'k zo hroos
un konieng aest heliek

Lienks nae buten[bewerk | brontekst bewerken]