Fort Zeelandia (Guyana)
Fort Zeêlandia was een voormaelig fort (noe een ruïne) op het Forteiland in de Guyaonse rehio Essequibo Islands-West Demerara. Het eiland leit in de Essequiborivier ent fort dienende as verdedihing van de riviermonding. Het fort wier ebouwd in 1743 en oort daemee toet de ouwste bouwwêrken van Guyana.
Het kleine fort, deu Zeêuwen 'ebouwd, is vuuftien meter lang en twintig meter breêd. Er is een centraol deel omheven deu oôge muren mee in de oeken laege torens. Buuten het centraole deel is er nog een leêgere mure die het eêle fort omsluut. De vestingmure langs de rivierkante is emae in'estort.
Het fort stit sins 15 november 1995 op de Weerelderfhoedlieste van de UNESCO.