Ambras

Uut Wikipedia

Ambras komt uut 't Land van 'Ulst. 't Kwartet da veural oude liedjes ziengt, startte in 1981. Piet Scheerders (voormalig onderwiezer in Westdorpe) dukelt het liedmateriaal op allerlei plekken op. Ok worden oude Nederlandse liedjes of versjes uut een aore streek deur de groep omgezet in 't Zeêuws-Vlaoms. De eerste LP van Ambras wier heproduceerd deur Piet Brakman. De groep bestaot al vanof 't begun uut Hans van Bellen (gitaar en zang), Rob van Bellen (viool), Jos Neve (accordeon, bas en zang) en Piet Scheerders (gitaar en zang). Scheerders speelde en zong ok in 't Duo Ellende in 1981. Ambras treedt vaok op als begeleidingsgroep van Engel Reinhoudt. Met Miel de Piel bereikte Ambras de twaolfde plekke in de Zeeuwse Top-40 van 2007.

Van Verre gekomen[bewerk | brontekst bewerken]

  • Zijj’geboren op Desnis
  • of komde gij van de Kijkuit,
  • opgegroeid op Tivoli
  • en naor ’t school op Groenendijk.
  • Komde van de Graauw, ’t Zeedurp of van Oek'nbos,
  • om ier naor Ambras te kijken; wij brann'm los.

En gaoi strek weer t'rug naor Ulst of naor Lamswjèrde; 't Eilug Land. Stao d’ouw uis op Ruspad of moej naor d'Elft of naor 't Zand Deenk nog even t’rug aon deze aoved oe da’t was, meej die liekes en da schôône spel van Ambras.

Discografie[bewerk | brontekst bewerken]

LP's:

  • Van verre gekomen (Stichting Ambras, AM 88-2, 1988)
  • Op 't randje (Stichting Ambras, 1990)

CD-single met Engel Reinhoudt:

  • Vremd volk / Miel de Piel (Open Stal 0796, 1996)

CD's:

  • 't Wier tijd (Stichting Ambras STAM 96.10.05-1, 1996)
  • Hé ja, dat ken ik (Stichting Ambras STAM 970402, 1997)
  • 'k Èn beet...! (Stichting Ambras STAM CD/29.9.00, 2000)

CD's samen met Engel Reinhoudt:

  • Een bolus bie de koffie (Eigen uitgave, GZGR 9210002, 1992)
  • Bel-bel 't is toch vrêêd (Eigen uitgave, CD 961003, 1996)
  • Gewoon (Eigen uitgave, GZGR 21405, 2002)

DVD's:

  • 25 Jaar Ambras (eigen uitgave, 2008)

Lienk nae buten[bewerk | brontekst bewerken]