Aegte

Uut Wikipedia
Hi nae: navigaotie, zoeken
Durpskerk Aegte
Griffermeerde Gemeente Aegte
Meulenaersuus in 1962

Aegte of 't Aflat (Nederlands: Aagtekerke) is 'n durpje op Walchren, in de gemeênte Ter Veere. 'T is een rustig durpje mee 1.500 inweuners tussen de weilanden en heploegde landen in de schaeduw van Domburg, Melis en Oôskappel.

Heschiedenis[bewerk | brontekst bewerken]

Aegte e 'n katholiek verleden, me noe is de nie vee mi van over. De naem Aagtekerke wier afheleid van de heilige St. Agatha. Agatha moe een vrome vrouw heweest zien op Sicilië. Dr neam, een verwiezing nea t Griekse woord ’agathos’ (goed), komt in de middeleeuwse legenden voor die-an betrekking ebben op 'n maagd die-a nae dr weiherienge in te gaen op de avances van 'n vonaeme Romein gemarteld wier. Mae ze haf dr heloof nie op. Nea brute marteliengen gaf ze uuteindelijk de heest.

Et durp e als bieneam ’'t geitedurp’. Waarschijnlijk omdat vroeher bekant elke inweuner één of meer heiten ieuw.

In en rond Aegte bin d'r vee campings.

Kerken[bewerk | brontekst bewerken]

Dr bin twee kerken in Aegte:

De meeste Aegtekerkenears gaen nae de gergem.

Het vôggende verhael is bekend over Aegte: 'D'n domenie van Aegtekerke, die most - dat spreekt - op zondag werke. Dat ôôrde zo bie z'n bestaen, dat aod 'n jaeren zô hedaen. Mèr op un zondag, 't was in meie , toen kwam d'n duvel tussenbeie. De domenie ao 's daags dèvoor - je moe me echt helove oor - op 't fêêst van de fermielje Neve ut hlas nog a de kans heheve. Um was ok laet naè bed hehaen en 's ochens toch vroeg ophestaen. Ie ao toch zôô un slaep ee mensen, ie docht 'k wou dat ik noe mog wense, un êêl klein dutje, 't kan gin kwaed. Dè bin ik zeker mee hebaet. Ut kerkvolk laet ik ziengend loven, zo 'n vers of tien - 't is niet te hloven - en weldra was de predikant in Morpheus èrmen anheland. De psalm was uut, het urgel dreunde, un slotakkoord, de herder kreunde en snurkte mee un blieë zin. Het kerkvolk ield de aesem in. De ouwe koster slofte vredig de kanseltrap op en zei zedig:t Is uut!' - Wat zei de soezebol? 'Oh ….. doe het dan nog maar eens vol!'

Lieste mee burgemeêsters van Aegte[bewerk | brontekst bewerken]

Ambtsperiode Naem burgemeêster Partij of stroôming Biezonderheên
18?? - 18??
18?? - 1853 C. Maljaars
1853 - 1878 Jan (J.) de Visser
1878 - 1903 J. Peper
1903 - 1926 Johannes de Visser
1926 - 1953 Jan (J.) Bosselaar ARP
1954 - 1962 J. Geuze vanof 1961 waernemend
1962 - 1966 J. Melse waernemend

Foto's[bewerk | brontekst bewerken]

Lienks nea buuten[bewerk | brontekst bewerken]